Tatou te mananao uma lava ina ia ola a'e tatou fanau ma le fiafia ma malōlōina - ae aua foi nei televave. Peitai ua vave tele le tuputupu a'e nai lo mea o tatou manatu iai. Suesuega faasaienisi o fai'ai ua matou iloa ai o tausaga muamua lava e lima o le olaga o le tamaitiiti ua faataatia ai lona lumanai atoa.
Mai le taimi e fanau mai ai e oo i le 5 tausaga, e sili atu ona saosaoa le mafaufau o le tamaitiiti nai lo se isi lava taimi o le olaga. Ua faailoa manino mai e faiga faasaienisi o le tele o mea e iloa e le tamaitiiti i uluai tausaga o lona olaga - lelei pe leaga - e fesoasoani lea e iloa ai le tupu o lona fai'ai. O nei mea ua ia iloa e iai se aafiaga tumau i lona ola maloloina ma tomai e a'oa'o ai ma lona taulau i a'oga ma le olaga.
I le First 5 Hawaiʻi, ua matou tuutoina atu e saunia faamatalaga mo āiga, mea e faatino ai, puna o āla manuia e lagolago i le tuputupu a'e maloloina ma le a'oa'oina o le tamaitiiti mai le taimi e fanau mai ai e oo i le 5 tausaga. Matou te talitonu o le faamalosia o mātua ma i latou e tausia fanau ma mauaina auaunaga talafeagai, matou te avatua ai i fanau uma i Hawai'i se amataga sili ona lelei i le olaga.
